Parole and Probation Office, nagahulat sang direktiba sa status sang mga parolado nga lakip sa mga ex-convicts nga gin-custody sang BJMP 6 kasunod sang mandu ni PDuterte

By: Aine Grace Bravo | September 18, 2019

via Hotline

Iloilo City — Dapat nga magpahibalo sa Parole and Probation Office ang mga parolado nga ex-convicts kon ma-aresto kag makuwestyun sang mga pulis.

Suno kay Mr. Ronaldo Cabanhao, OIC sang Iloilo City Parole and Probation Office, naga-coordinate pa sila sa ila regional office kon sakup ang mga parolado sa mandu ni Presidente Rodrigo Duterte nga mag-surrender kasunod sang kontrobersiya sa good conduct time allowance.

Sa iya pagkahibalo, ang mga ex-convicts nga na-extinguish ang criminal liability  paagi sa GCTA ang ginapa-surrender.

Sa mga parolado naman nga ex-convicts nga ginapa-surrender, may kondisyon man sa ila nga mag-report bangud may nabilin pa sila nga sentensya nga wala pa naserbisyuhan.

Gin-athag ni Cabanhao nga ang ila opisina ang nagapahibalo sa Board of Pardon sa progress sang parolado nga ex-convict kag nagahimo sang rekomendasyon kon i-revoke ukon indi ang iya parole.

          VC: EXCON    OUT AT// si mr ronald cabanhao sa interview ni aksyon john paul tia//           Nagahulat naman si cabanhao sang direktiba halin sa kon anu ila mangin desisyon sa mga parolado nga natalana dal-un sa sablayan prison and penal farm sa occidental mindoro//