Reports nga pagsaylo sang mga Badjao sa probinsya, istoryahan sa masunod nga meeting sang LMP Iloilo Chapter

By: JoMaque | September 18, 2019, 1:04pm

Iloilo – Magapakig-angut ang League of Municipalities of the Philippines (LMP) Iloilo Chapter sa provincial government kon paano masolusyunan ang reports nga pagpa-amulya sang mga Badjao sa pila ka banwa sa probinsya.

Gin-ako ni LMP Iloilo Chapter President, San Enrique Mayor Trixie Fernandez nga wala nila na-istoryahan sang nagligad nga meeting ang nasambit nga concern.

Pero talakayon ini sa masunod nga pagtililipon sang mga mayors sa probinsya.

Kinahanglan suno kay Fernandez ang coordinated efforts agud ma-address ang concern.

Kahapon, may mga Badjao nga nagpadulong sa Estancia kag Roxas City, Capiz. Ginpahayag nila nga ‘ginapangdakup’ sila sa syudad.