4 menor-de-edad, pilason sang nakabunggo ang ila tricycle sa Ceres bus sa Pototan

By: Aine Grace Bravo | September 19, 2019

via Farrah Mae Morano/Dave Bucayan

Pototan, Iloilo — Gindala sa ospital ang driver sang tricycle kag ang tatlo niya ka-upod sang nagbunggu-anay ang ila tricycle kag Ceres bus sa Barangay Batuan, Pototan subong nga hapon.

Ginkilala ang driver sang tricycle kay Jayvie upod ang tatlo ka iban pa nga lunsay mga menor-de-edad kag residente sang Brgy. Batuan, Pototan.

Suno kay Police Staff Sergeant Richard Cabucos, halin sa banwa sang Pototan ang tricycle, para magkuha sang gamit pangluto. Pero pag-abot sa Barangay Batuan, may nag-overtake nga truck rason nga nag isi-isi ang tricycle kag nagdiretso sa lane sang Ceres bus nga pakadto sa Iloilo.

Ginpahayag naman Mitchielle Pasigado, 43-anyos sang Sto Tomas, Passi, City, nga nag-overtake ang tricycle sa truck pero nag-isi-isi ini tubtob nakabunggo sa bus.

Gin-custody ang driver sang Ceres bus sa Pototan MPS.