Haze nga nagtuhaw sa pila ka parte sang Pilipinas, makabig nga atmospheric phenomenon — PAGASA

By: JoMaque | Setyembre 20, 2019, 8:30am

Iloilo — Makabig nga atmospheric phenomenon ang haze nga nagtuhaw sa pila ka parte sang Pilipinas bangud sang forest fire halin sa Indonesia.

Suno kay Mr. Raffy Tapales sang PAGASA-iloilo, ang haze kumbinasyon sang dust particles, asu, alipook ukon fog, balas, mist ukon volcanic ash nga nagasablag sa visibility sang kahawaan. 

Ginpahayag ni tapales nga concern man nila sa PAGASA ang haze bangud ini ang ginahatag nila nga impormasyon sa aviation.

Mahibaluan suno sa iya sa pollutant standards index ukon PSI ang level sang pollutants  nga yara sa hangin. 

Base sa PSI, makabig nga good kon ara sa zero to 50 ang pollutants; moderate kon 51 to 100; unhealthy-101 to 200; very unhealthy-201 to 300 kag hazardous kon ara sa 300 ang above ang level sang pollutants.

Magluwas sa Cebu, ang mga lugar nga gin-isyuhan sang haze alert sang PAGASA amu ang Palawan, Masbate, Antique, Iloilo, Guimaras, Negros Occidental, Negros Oriental, Cebu, Bohol, Siquijor, Leyte, Southern Leyte, Biliran, Northern Samar, Eastern Samar, Samar, Dinagat Islands, Surigao del Sur, Surigao del Norte, Maguindanao, South Cotabato, Sultan Kudarat, Cotabato, Davao de Oro, Davao Oriental, Davao Occidental, Davao del Norte, Davao del Sur kag Davao City.