3 pa ka establisemento sa Sto. Niño Sur, Arevalo nga may violation sa EO 46, ginserbihan sang closure order

By: JoMaque | Setyembre 21, 2019, 9:13am

Iloilo City — Ginserbihan sang closure order sang ang tatlo ka establisemento nga may violations sa General Bar Guidelines sang Executive Order 46 sang syudad sa Sto. Niño Sur, Arevalo kagab-i, Setyembre 20.

Ang ginpasiraduhan sang composite team amo ang Noyarr Bilyaran kag 3 Kids Billiard Hall bangud may nakita nga mga menor-de-edad nga nagapanigarilyo kag wala sang business permit kag J&S Eatery and KTV nga wala sang business permit kag nagaserbe sang makahulubog nga ilimnon sa minors.

Suno kay Mr. Nestor Canong, head sang Task Force on Moral and Values Formation, dapat mag-comply sa EO ang tatlo ka establisemento agud liwat sila nga maka-operate.                

Nag-check man ang composite team sa kaingud nga mga establisemento nga nakitaan man sang violations.

Iga-deliberate sang team ang mangin rekomendasyon sa Legresh, Villa Baybay kag Unli-Q.