Bangkay sang lalaki, nasapwan nga naga-utaw utaw sa kadagatan sang Carles

By: JoMaque | Setyembre 21, 2019, 9:07am

Carles, Iloilo- Nasapwan nga naga-utaw-utaw ang bangkay sang lalaki sa kadagatan sang Kalaparan nga sakup sang Sicogon Island sa Carles.

Suno kay Punong Barangay Roberto Pestaño, las 10:00 kahapon sang aga sang nakita sang mangingisda nga naga-utaw-utaw ang bangkay nga yara na sa advance state of decomposition.

Gindala sang mangingisda ang bangkay sa Barangay Granada sa Isla Gigantes.

Nakasuksok ang lalaki sang green nga t-shirt, itom nga dilargo kag may sampaw nga shorts.

Wala pa ma-identify ang bangkay.