May 23, 2022

DOH 6, ginhingyo ang mga ginikanan nga pabakunahan ang ila kabataan nga naga-edad lima ka tuig panubo kasunod sang liwat nga pagtuhaw sang polio sa pungsod

Read Time:56 Second

By: Aine Grace Bravo | September 21, 2019

via Hotline

Iloilo City — Ginhaylo sang Department of Health Region 6 ang mga ginikanan nga ipa-idalum sa routine vaccination ang ila kabataan nga naga-edad lima ka tuig panubo.

Kasunod ini sang liwat nga pagtuhaw sang polio sa pungsod, duha na ang kumpirmado nga natapikan.

Suno kay Dr. Jesse Glen Alonsabe, regional epidemiologist sang DOH 6, ginahatag ang una nga dose sang polio vaccine sa mga lapsag nga naga-edad sang isa kag tunga sa bulan ukon anum ka semana. Dapat suno sa iya nga nakumpleto na sang bata ang polio vaccines antes siya mag-edad sang apat ka bulan.

May posibilidad nga mag-mutate ang virus kun manubo ang vaccination coverage gani dapat ini nga i-maintain tubtub nga makompleto ang doses.

Gin-athag ni Alonsabe nga kabataan ang masami ginatapikan sang virus bangud mahuyang ang ila immunity. Makuha suno sa iya ang virus halin sa mga kontaminado nga bagay nga ginasulod sa baba.

Magluwas sa immunization, kinahanglan man ang pagmentinar sang personal hygiene kag maayo nga environmental sanitation agud matapna ang polio virus suno kay Dr. Alonsabe.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post 2 patay sang nakabunggo ang ila motorsiklo sa Ceres bus kag nalasakan pa gid sang nagasunod nga salakyan sa Miag-ao
Next post DENR 6, nagpanguna sa pagpaninlo sang coastal areas sa Iloilo City bilang kabahin sang International Coastal Clean-up