Menor-de-edad nga ginreklamo nagpangawat, gin-custody sang New Lucena police

By: JoMaque | Setyembre 23, 2019, 12:48pm

Iloilo — Gin-custody sang Women and Children Protection Desks (WCPD) sang New Lucena Police Station ang 14-anyos nga lalaki nga ginreklamo nagpangawat sa shop sa Barangay Bololacao, New Lucena las 4:00 sang aga sang Setyembre 21.

Suno kayo Police Lieutenant Felise Dioso, OIC sang New Lucena MPS, sa bintana sang shop nag-agi ang menor-de-edad kag nagkuha sang 3,520 pesos, cellphone kag tablet.

Nagreklamo ang tag-iya sang shop nga si alyas Onyok sa ila barangay nga ginkawatan siya.

Gin-review ang mga CCTVs sa barangay kag nakilala ang menor-de-edad.

Gin-turnover sang iya lola ang 14-anyos nga lalaki sa barangay official.

Gin-turnover naman sang mga barangay officials sa New Lucena police ang minor.

Nabalik naman kay Onyok ang 3,520 pesos, cellphone kag tablet.

Sa pagpangusisa ni PLt. Dioso, natukiban nga ara sa Manila ang mga ginikanan kag mga utod sang menor-de-edad.