Muelle Loney Road sa likod sang Provincial Capitol, “No Parking Zone” na

By: Aine Grace Bravo | September 23, 2019

via BBB

Iloilo City — Istriko nga ginpatuman ang “No Parking Zone” sa Muelley Loney Road sa likod sang Provincial Capitol sugod subong nga adlaw.

Aga pa lang kaina suno kay Public Safety and Transportation Management Office (PSTMO) head Jeck Conlu, nagbantay na ang mga traffic enforcers sa area agud masaway ang mga naga-on-road parking.

Indi lang mga taga-Kapitolyo ang naga-park sa area suno kay Conlu kundi lakip ang may mga hearing sa Iloilo Hall of Justice.

Nagbutang ang PSTMO sang signage nga No Parking kag Clamping Zone.

Ginpahanumdom ni Conlu nga indi pwede ang parking kag pagbaligya sa karsada.

Sa latest assessment sang PSTMO, 80 tubtob 85 porsyento na nga nahawanan nila ang mga mayor nga karsada sa Iloilo City.

Magapadayon suno sa iya ang pagpanghawan sang clearing team bisan matapos ang 60 ka adlaw nga deadline ni DILG Secretary Eduardo Año subong nga semana.