City Health Officer Dr. Bernard Caspe, ginapa-resign ukon ginapa-leave kun indi gusto nga mangin miserable ang kabuhi sa City Hall

By: JoMaque | Setyembre 24, 2019, 9:55am

ILOILO CITY–“Daw tawo-tawo lang ako sa duldol. Wala ako ginapa attend sa mga meetings, ang casuals ko ginalabay-labayan lang ko.” – City Health Officer Dr. Bernard Caspe

Ginpasakaan sang kaso nga grave coercion, grave misconduct kag oppression ni Dr. Bernard Caspe sanday Mayor Jerry Treñas kag City Administrator Melchor Tan.

Suno kay Caspe, madugay na niya gusto nga magpasaka sang kaso.

Mayo 14, pagkatapos sang eleksyon, gin-istorya siya ni Dr. Annabelle Tang, nga akig ang alkalde sa iya bangud sa pagpati nga nangampanya siya pabor kay anay Mayor Joe Espinosa.

Ginpanginwala niya ang mga alegasyon sa iya kag nagpahayag nga naga ubra lang siya sang iya trabaho.

Ginpahayag ni Caspe nga sang Hulyo 4, ginpatawag siya ni City Administrator Melchor Tan kag ginhambalan nga mag-resign ukon mag leave sang anum ka bulan kun indi gusto nga mangin miserable ang kabuhi sa City Hall.

Dugang pa ni Caspe nga nagnubo ang iya morale bangud wala na siya ginapa-attend sa meetings, wala siya ginarespeto sang mga job hires, kag gina-strike out man ang iya ngalan sa mga dokumento.

Suno sa iya, daw preso na siya sa iya opisina.

Isa man sa nagtulod kay Caspe nga magpasaka sang kaso, ang pagpasaka sang kaso ni Joe Mari Esteral, ang book binder sa Local Civil Registry nga gin re-assign sa Calajunan Landfill, kay Treñas kag sa anum pa ka city hall employees.

About Post Author

Aksyon Radyo Iloilo 720Khz

admin@aksyonradyoiloilo.com.ph

http://aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %