Magtiya, nabungguan sang van sa Balantang, Jaro; Tiya patay, hinablos, pilason

By: JoMaque | Setyembre 24, 2019, 9:47am

Iloilo City — Patay ang 69-anyos nga tiya samtang pilason ang iya hinablos sang nabungguan sang van sa Balantang, Jaro kaina sang kaagahon.

Ginkilala ang napatay kay Nemfa Hisug sang Tacas, Jaro samtang pilason naman ang iya hinablos nga si Geem Gamarcha kag padayon nga ginabulong sa Western Visayas Medical Center.

Mapakadtu kuntani ang magtiya sa ila gina-obrahan nga kariderya sa Brgy. Balantang sang nabungguan sang van nga ginamaneho ni Kent Tubilid, 27 anyos sang Lucmayan, Nueva Valencia, Guimaras.

Nag-surrender naman ang driver kasunod sang insidente.
Ginpahayag ni Tubilid nga nag-overtake siya sa isa ka awto kag wala natalupangdan ang nagatabok nga magtiya sang nagbalik siya sa iya linya.