Pump boats nga nagabiyahe Iloilo City-Guimaras vice versa, temporaryo nga madungka sa atubang sang Freedom Grandstand bangud sa dredging sa Iloilo River

By: Aine Grace Bravo | September 24, 2019

via Jeremae Ventar

Iloilo City — Temporaryo nga madungka ang mga motorbancas halin Iloilo-Guimaras vice versa sa atubang sang Iloilo Freedom Grandstand sugod Huwebes, Setyembre 26, 2019.

Suno kay Public Safety and Transportation Management Office (PSTMO) head Jeck Conlu, duha ka semana nga madungka ang mga motorbancas sa nasambit nga lugar.

Bangud ini suno sa iya sa pagahimoon nga dredging sang Philippine Ports Authority, sa Iloilo River.