May 23, 2022

Iloy sang driver sang motorsiklo nga napatay sa checkpoint sa Sara, nanindugan nga wala sang pusil ang iya bata

Read Time:2 Minute, 20 Second

By: JoMaque | Setyembre 25, 2019, 3:11pm

Ajuy, Iloilo (UPDATE) – Isa ka semana pa lang nga nakabalik sa ila lugar sa Brgy. Pinantan Elizalde, Ajuy si Adonis Hontiveros, 26 anyos, soltero, nga napatay sang gintiro sang mga pulis sa checkpoint sa Brgy. Zerrudo, Sara pasado las-11 kagab-i, Setyembre 23.

Suno kay Mrs. Celda Hontiveros, iloy ni Adonis, nagtrabaho sa grocery store sa Manila sang tatlo ka bulan ang iya bata, kag sang Martes lang sang nagligad nga semana nakabalik sa Ajuy.

Las-otso kagab-i, nag-upod si Adonis sa pagdul-ong sa Sara District Hospital sa ila kasilingan nga senior citizen nga nagtaas ang blood pressure.

Tatlo ka motorsiklo ang nagdul-ong, pero si Adonis kag ang bata sang iya kasilingan na lang ang nagbalik pasado alas-11 sang gab-i. Naga-angkas kay Adonis ang 17 anyos nga si alyas Boy.

ANO ANG NATABU SA CHECKPOINT SUNO SA PAMILYA?

Base sa ginsugid ni Boy kay Mrs. Hontiveros, wala nag-U-turn si Adonis pag-abot nila sa checkpoint.

Ginpahayag sang menor nga nagpanaya sang pusil ang mga pulis nga nagpadulog sa ila. Wala suno sa iya naka-uniform ang tatlo ka lalaki nga nagpadulog sa motorsiklo.

Sang nakita ni Boy nga ginatayaan sila, naglukso siya sa motorsiklo kag nabatian na lang ang apat ka lupok sang pusil antes nakita nga nagahuray-ad kag duguon si Adonis. Wala suno sa menor nakapalupok sang pusil si Adonis.

Ginpabutyag ni Mrs. Hontiveros nga wala sang pusil ang iya bata kag wala man sila sang ikasarang nga magbakal sang pusil.

Gin-ako sang iloy nga wala sang driver’s license ang iya bata, samtang ang motorsiklo sang iya ginamaneho ang ginapanag-iyahan sang iya tiya (nga utod ni Mrs. Hontiveros).

Iga-autopsy pa ang bangkay ni Adonis, pero sa nakita ni Mrs. Hontiveros, may igo ang iya bata sa wala nga bahin sang dughan, dulunggan kag wala nga tuhod.

Desidido si Mrs. Hontiveros nga magpasaka sang kaso batuk sa tatlo ka pulis sang 2nd Iloilo Provincial Mobile Force Company.

IMBESTIGASYON SANG POLICE

Ginpanindugan ni PLTCOL Mario Baquiran, commander sang 2nd IPMFC, nga una nagpalupok ang pusil si Hontiveros, rason nga nagbalus ang mga pulis.

Suno kay Baquiran, nag-U-turn si Hontiveros sang ginparahan sang mga pulis. Naglumpat naman suno sa opisyal ang angkas ni Hontiveros.

Suno man kay PSMS Renel Panes, imbestigador sang Sara MPS, una nga nagpalupok si Hontiveros base sa iya inisyal nga imbestigasyon sa natabu.

Ginpahayag ni Baquiran nga may ‘imminent danger’ sa mga pulis bangud may pusil ang driver kag nagpalupok pa gani gintiro siya ni Police Corporal Bartulo. Kaupod ni Bartulo sanday Corporal Paclibar kag Patrolman Parsia.

Gin-hold ang tatlo ka pulis sa police station samtang nagapadayon ang imbestigasyon suno kay PCT Asension Ortizo, hepe sang Sara MPS.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Construction worker, nakuryente-patay sa Arevalo
Next post 7 patay, 14 nakaluwas sang naglugdang ang dragon boat sa Boracay