May 23, 2022

Mga taxi kag tricycle, ‘no parking’ sa atubang sang Freedom Grandstand sa pagsaylo temporaryo sang mga pump boats sa Muelle Loney

Read Time:55 Second

By: Aine Grace Bravo | September 25, 2019

via Hotline

Iloilo City — Ginapanan-aw nga magagutok ang Muelle Loney road pakadto sa City Hall area umpisa buwas, Setyembre 26, bangud temporaryo nga magadungka ang mga pumpboats nga nagabiyahe Iloilo City-Guimaras vice versa ang atubang sang Customs House kag Freedom Grandstand.

Ini ang ginpahibalo ni Public Safety and Transportation Management Office Head Jeck Conlu gani nagapangayo siya sang paghangup sa publiko.

Suno sa iya, ipatuman man nila sugod buwas ang ‘no parking’ sang mga taxi kag tricycle sa lugar.

Pwede lang suno sa iya nga maka-drop off kag maka-pick up sang pasahero ang mga pribado nga salakyan kag taxi.

Mahimo naman nga makahulat sang pasahero ang mga tricycle kag taxi sa daan nga Fastcraft Terminal bangud wala ini masyado gina-agyan sang salakyan.

Magluwas sini, mabutang man ang PSTMO sang mga tents sa kilid sang River Esplanade para sa mga nagahulat nga pasahero kag ticketing booth sa atubang sang Freedom Grandstand ukon Customs House.

Duha ka semana nga temporaryo magadungka ang mga pumpboats sa Muelle Loney area bangud sa dredging sa Iloilo River.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post 7 patay, 14 nakaluwas sang naglugdang ang dragon boat sa Boracay
Next post Ginapatihan NPA rebels kag mga soldado sang Philippine Army, liwat nag-engkwentruhanay sa Iloilo