Graduate sang University of San Agustin, topnotcher sa September 2019 Medical Technologist Licensure Examination

By: JoMaque | Setyembre 26, 2019, 9:16am

Iloilo City – Nagpanguna sa September 2019 Medical Technologist Licensure Examination ang graduate sang University of San Agustin nga si Reiven John Bernales nga may 90.50% nga rating.

Top 9 naman si Alfred Ceasar Carado sang Central Philippine University nga may 89.20% nga rating.

Gin-anunsyar sang Professional Regulation Commission nga 4,743 ang nakapasar halin sa 6,453 ka mga nagkuha sang pasinawan.

Sa 155 ka mga nagkuha halin sa University of San Agustin, 142 ang nakapasar kag naka-record sang 91.61% nga passing rate ang unibersidad.

Sa CPU naman, 114 ang nakapasar sa 132 ka mga nagkuha sang pasinawan. Naka-record ang CPU sang 86.36% nga passing rate.