May 28, 2022

Mayor Jerry Treñas, nagsulat sa WIT kasunod sang pag-viral sang 3 SHS students nga nakatampi sang tuwalya samtang naga-order sa fastfood chain

Read Time:51 Second

By: Aine Grace Bravo | September 26, 2019

via Jeremae Ventar/Hotline

Iloilo City — Naghatag na sang instruction si Iloilo City Mayor Jerry Treñas kay Task Force on Moral and Values Formation Head Nestor Canong nga imbestigaran ang insidente nga naga-involve sa ginbansagan nga “Tuwalya Boys.”

Suno kay Treñas ini agud indi na masulit ang kapareho sini nga insidente.

Dugang niya, “I don’t think this thing should happen in a civilized society” nga pareho sang siyudad sang Iloilo.

Setyembre 21 sang nakuhaan ang tatlo ka estudyante nga naga-order sang pagkaun sa McDonald’s sa SM City Mandurriao nga nakatampi lang sang tuwalya.

Sa pag-validate sang Aksyon Radyo Iloilo news team, nahibaluan nga senior high school students sang Western Institute of Technology ang tatlo.

Suno sa magulang sang isa sa ila, parte sang school requirement ang ila ginhimo.

Namalibad na nga maghatag pa sang dugang nga statement ang pamilya angut diri.

Nag-viral sa social media ang picture sang tatlo matapos gin-upload sang netizen ang ila ginhimo.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Una nga adlaw sang temporaryo nga pagsaylo sang mga pump boats sa Muelle Loney, nangin masulhay
Next post Philippine Army, nag-abiso sa mga turista nga likawan ang nabukid nga bahin sang Igbaras kag Miag-ao bangud sang sunod-sunod nga mga engkwentro