May 23, 2022

Water activities sa Boracay, indi apektado kasunod sang Dragon Force Team tragedy

Read Time:58 Second

By: JoMaque | Setyembre 26, 2019, 9:20am

Malay, Aklan (UPDATE) – Indi apektado ang mga water activities sa Boracay kasunod sang pagkalunod sang dragon boat sang Dragon Force Team nga nagbilin sang pito ka patay sa Tulubhan Beach, sa Barangay Manoc-Manoc, Malay, Aklan kaina sang aga.

Suno kay Mr. Allan Palma, station manager sang Yes the Best Boracay, nagapadayon ang mga water activities sa isla.

Pero nagpanugyan ang Philippine Coast Guard nga dapat pahibaluon sila kon may himuon nga water activities agud ila mabantayan kag gilayon nga marespondehan pananglitan may magluntad nga emerhensiya.

“PANAYSAYON SANG MGA SURVIVORS”

21 ang nakasakay sa dragon boat sang ini ang naglugdang.

Suno sa mga survivors, wala na sila nagbuligay bangud nagkanya-kanya sila nga maka-survive sang natabu ang trahedya.

Sa pito ka napatay, ginpahayag nga isa ang indi kahibalo maglangoy samtang ang iban naman ang posible ginkapoy kag madamo ang nainom nga tubig samtang nagalangoy pabalik sa shoreline.

Na-claim naman ang bangkay sang lima sa pito ka napatay kag duha pa ang nagapabilin sa punerarya.

Ginsul-ob sang tubig ang ginasakyan nga 20-seater dragon boat, 300 metros ang kalayuon halin sa shoreline antes naglugdang.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Graduate sang University of San Agustin, topnotcher sa September 2019 Medical Technologist Licensure Examination
Next post Transport group sa Panay, maga-upod sa nationwide transport strike sa Setyembre 30 agud pamatukan ang pag-phase out sang mga PUJs sa masunod nga tuig