60-day deadline sa mga local chief executives agud hawanan ang public roads, matakup buwas

By: JoMaque | Setyembre 28, 2019

Iloilo City — Magatakup buwas ang 60 ka adlaw nga ginhatag ni DILG Secretary Eduardo Año sa mga local chief executives agud hawanan ang mga public roads sa anuman nga obstructions.

Ginpahanumdom ni DILG 6 Director Ariel Iglesia nga wala sang extension sa deadline base sa DILG Memorandum Circular 121-2019.

Gin-isyu ni Año ang memo bilang pagsunod sa direktiba ni Presidente Rodrigo Duterte nga i-reclaim ang mga public roads.

Sa statement nga gin-post sang DILG sa ila official Facebook account, gin-remind ang tanan nga mayors nga disiplinahon ang mga punong barangay nga wala nagakooperar sa mandu.        

Suno naman kay Iglesia, sige-sige ang reports nga isumiter sang mga local chief executives sa DILG bisan matapos na ang deadline.