31 ka mga salakyan, i-deploy sang city government sa mga plazas kag terminals para sa transport strike

By: JoMaque | Setyembre 30, 2019, 8:37am

ILOILO CITY — Nagalab-ot sa 31 ka mga salakyan ang i-deploy sang City Government subong nga adlaw sa mga plazas kag terminals para sa transport strike.

Duha tubtob tatlo ka salakyan kada distrito ang i-deploy agud magkuha sa mga ma-stranded nga pasahero, sugod alas 6 sa aga.

Suno kay PSTMO head Jeck Conlu, mahulat sa mga plazas ang salakyan kag mang pick up man sang mga pasahero sa dalan. Hatagan sang prayoridad suno kay Conlu ang yara sa mga terminals.

Kun madamo nga mga pasahero ang apektado, posible nga pasugtan sang City Government ang pagsulod sang mga Ceres kag P2P bus sa syudad.

Ginpahayag ni Conlu nga mabukas man subong nga hapon ang operation center sa City Hall kaupod ang City Disaster Risk Reduction and Management Council agud mag-monitor para sa transport strike.