50 ex-convicts sa Western Visayas nga gindala sang BJMP 6 sa Occidental Mindoro, nagapabilin sa Sablayan Prison and Penal Farm
By: Aine Grace Bravo | September 30, 2019
via Aljohn Torreta
Iloilo City — Wala pa nakaguwa sa Sablayan Penal and Prison Farm sa Occidental Mindoro ang 50 ka mga ex-convicts halin sa Western Visayas nga gindala sang Bureau of Jail Management and Penology (BJMP) 6 kasunod sang mandu ni Presidente Rodrigo Duterte.
Suno kay BJMP 6 Deputy Regional Director for Administration Jail Superintendent Gilbert Peremne, nag-coordinate siya sa opisyal sa nasambit nga penal institution agud mahibaluan ang status sang mga ex-convicts.
Padayon ang pag-validate sang BuCor sa mga impormasyon sang mga nagpa-account rason indi pa sila makaguwa sa pasilidad.
Una na ginkumpirmar ni Department of Justice Undersecretary Markk Perete may ginbuy-an ang BuCor nga 52 ka mga nagpa-account nga ex-convicts bangud nalakip ang ila ngalan sa listahan sang BuCor bisan indi Good Conduct Time Allowance ang rason sang paghilway sa ila.
Ginakuhaan pa sang Aksyon Radyo Iloilo sang pahayag si BuCor chief PIO Corrections Senior Inspector Eusebio Del Rosario angut sini.
‘SUGATON NAMUN SILA’
Nagpasalig naman ang BJMP 6 nga sugaton nila ang mga ex-convicts nga i-release sang BuCor.
Magluwas sa 50 ka mga ex convicts nga gindala sang BJMP 6 sa Occidental Mindoro, may mga ex-convicts man nga nagdiretso sa pagpa-account sa penal institution.
Direkta naman nga gindala sang Aklan Police Provincial Office sa Occidental Mindoro ang mga nag-surrender sa ila.