PISTON Panay, ginakabig nga madinalag-un ang ila untat biyahe subong nga adla
By: Aine Grace Bravo | September 30, 2019
via BBB
Iloilo City — Ginakabig sang PISTON Panay nga kadalag-an ang pag-upod sang madamo nga transport groups sa nationwide transport strike subong nga adlaw.
Suno kay PISTON Panay President Edgar Salarda, 15 porsyento lang sang masobra anum ka libo ka public utility jeepneys nga na-rehistro sa LTFRB ang nagbiyahe sa syudad.
Nabatyagan suno kay Salarda ang suporta sang lain-lain nga grupo sa ila kawsa.
Indi matuod suno kay Salarda ang pahayag ni LTFRB 6 Director Richard Osmeña nga diutay lang ang mga salakyan nga nag-upod sa transport strike sang Alyansa Kontra PUV Phase Out.
Gin-ako naman ni Salarda nga may pagsalangisag sa komunikasyon nila sa grupo sang mga taxi drivers and operators rason nga wala madayon ang caravan.