May 21, 2022

Task Force on Moral and Values Formation, nagdepensa sa paghatag ni Mayor Jerry Treñas sang importansya sa nag-viral nga “tuwalya boys”

Read Time:1 Minute, 44 Second

By: Aine Grace Bravo | September 30, 2019

via Hotline

Iloilo City — Nagdepensa si Task Force on Moral and Values Formation Head Nestor Canong kon ngaa ginahatagan ni Mayor Jerry Treñas sang importansya ang nag-viral nga litrato sang “tuwalya boys” sa baylo nga tutukan ang iban nga problema sang syudad.

Ginpaathag ni Canong nga nakibot ang alkalde sang nakita nga mga menor-de-edad ang involved sa insidente.

Nagmandu suno sa iya si Treñas sang imbestigasyon agud masanagan kon ngaa gingamit ang mga minors sa kontrobersyal nga social experiment sa deviant behavior.

Luyag man mahibaluan sang alkalde ang katuyuan sang social experiment, kon ano nga klase sang subject kag kon ngaa ginhimo sa McDonald’s sa sulod sang SM City sa Mandurriao.

Usisaun man sang task force kon bala may clearance ang maestro sa principal kag sa presidente sang WIT nga gamiton ang mga minors sa social experiment.

Sa panan-awan suno kay Canong sang iban ilabe na sa eskuwelahan “very successful” ang bilog nga ekperimento pero indi lang ang mga reaksyon sang mga pumuluyo ilabe na sang mga customers sang McDo, shoppers sang mall kag mga comments sa social media ang ila ginabasehan sa paghatag sang importansya sa issue.

Gin-athag ni Canong nga wala nila ginabasol ang mga estudyante, ang eskuwelahan kag ang fast food chain sa natabu kundi ang nangin implikasyon sa ginhimo nga social experiment.

MEETING

Ginkumpirmar ni Canong nga magasapol siya buwas sa operations manager sang McDonald’s.

Suno kay Canong, na-istorya niya ang secretary sang operations manager sang fast food chain para sa schedule sang meeting buwas, la-una sa hapon, agud magpaathag sa ginhimo sang tatlo ka solterito.

Sabat ini sang McDo sa ginpadala nga sulat ni Mayor Treñas sang nagligad nga semana.

Handa man suno kay Canong ang tagdumalahan sang WIT nga magsapol angut sa insidente.

Ginpahayag ni Canong nga iga-schedule sang WIT ang sinapol subong nga semana upod ang principal sang Senior High School.

Gina-ayo man niya nga kon puwede matambong sa meeting ang tatlo ka solterito nga involved sa social experiment sang eskuwelahan.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post PISTON Panay, ginakabig nga madinalag-un ang ila untat biyahe subong nga adla
Next post 50 ex-convicts sa Western Visayas nga gindala sang BJMP 6 sa Occidental Mindoro, nagapabilin sa Sablayan Prison and Penal Farm