ArchivesLokalUncategorized

Grade 9 student, patay matapos natiruhan sang iya pakaduha sa Maasin

By: JoMaque | Oktubre 1, 2019, 11:13am

Maasin, Iloilo — Patay ang 15-anyos nga solterito matapos natiruhan sang iya pakaduha sa Barangay Abilay, Maasin las 9:30 kagab-i, Setyembre 30.

Ginkilala ang biktima kay alyas Rayven sang amo man nga lugar nga napilasan sa likod kag ulo sang natiruhan ni alyas Gamay.

Ginpahayag nga ginsaway sang biktima ang iya tiyo nga naka-inum kag gulpi lang may nabatian nga lupok kag naigo ang biktima.

Gindala ang biktima sa ospital apang napatay samtang na-aresto ang suspetsado.

Suno kay Police Capt. Menrico Candaliza, hepe sang Maasin Police Station posible nga tuyo tiruhon sang suspek gamit ang pugakang ang ila tiyo apang naigo si alyas Rayven.

Padayon ang imbestigasyon sang Maasin Police sa insidente.

Leave a Reply