Construction worker, pilason sang ginbuno sa Jaro

By: JoMaque | Oktubre 3, 2019, 8:49am

Iloilo City–Ginbuno ang 35-anyos nga construction worker sang kasubong niya nga construction worker sa Barangay Tacas, Jaro las 9:10 kagab-i.

Ginkilala ang biktima kay Nilo Baroro sang Zone 13, Calaparan, Arevalo nga napilasan sa likod.

Suspek sa pagbuno sa biktima si Michael Ybañez, 45-anyos sang San Enrique nga nadakpan sang kapulisan pagkatapos sang krimen.

Hinubog ang ginasunod nga anggulo sang Jaro police sa pagbuno sang suspetsado sa biktima.