Menor de edad nga babaye nga bag-o lang pana-og sa Ceres bus, nabungguan sang van sa Cahaguichican, Pototan; Biktima, DOA sa ospital

By: JoMaque | Oktubre 5, 2019, 9:38am

Pototan,Iloilo—Patay ang 13 anyos nga estudyante, sang nabunguan sang van sa Barangay Cahaguichican, Pototan kagab-i, Oktubre 4.

Suno kay Police Staff Sergeant Raffy Gonzales sang Pototan MPS, halin sa eskwelahan sa Iloilo City si Alyas Nene kag papauli na sa ila sa Barangay Agmanaphao, Mina sang natabu ang aksidente.

Nabungguan ang dalagita sang van nga pakadto sa Roxas City, Capiz.

Arestado ang driver sang L300 van nga si alyas Dodoy suno sa pulis. Ginahulat na lang ang pamilya sang dalagita sa police station kon ano ang ila masunod nga tikang.