Pulis sa IPPO, lakip sa pito ka pulis sa Rehiyon nga ginapatihan involved sa illegal drugs — PRO 6 Director Rene Pamuspusan

By: JoMaque | Oktubre 6, 2019, 7:59am

Iloilo — Isa sa pito ka mga pulis sa Western Visayas nga ginapatihan may ivolvement sa illegal nga druga ang na-assign sa Iloilo Police Provincial Office (IPPO).

Ini ang ginkumpirmar ni PRO 6 Director Rene Pamuspusan matapos ang validation sang Philippine National Police sa ila watchlist sang Oktubre 3.

Lima naman ka pulis nga assign sa Negros Occidental kag isa sa Regional Headquarters Support Group sa PRO 6 ang gina-monitor man nga may kaangtanan sa illegal nga druga.

Kalabanan sa mga involved nga pulis ang nagabaligya ukon nagagamit sang illegal nga druga pero mahimo nga naga-proteher man sila sa mga drug personalities ukon mga “ninja cops” ukon mga pulis nga naga-recycle sang mga nakumpiskar nga illegal drugs.

Suno kay Pamuspusan, bisan ginkumpirmar na sang PNP headquarters nga kabahin sang national watchlist ang mga involved nga police, padayon gihapon ang pagtipon sang mga ebidensya batuk sa ila.