Kaso sang suicide sa Iloilo Province, maka-alarma — BM Matt Palabrica

By: JoMaque | Oktubre 6, 2019, 9:15am
via Aksyon Mario Gelongo

Iloilo — Naalarma si 3rd District Board Member Matt Palabrica sa nagadamo nga kaso sang suicide sa probinsya gani nag-deliver siya sang privilege speech kon paano ma-address ang concern.

Suno kay Palabrica, nakita niya sa record sang Provincial Health Office ang nagadamo nga kaso sang suicide sa nakaligad nga tatlo ka tuig, kag kalabanan sa mga nagahimo ang mga pamatan-on.

Sa 2018 tubtob 2019 nga period suno sa board member, 100 ang na-record sa probinsya.

Luyag ni Palabrica nga magbuligay ang tanan agud malikawan nga madugangan pa ang numero paagi sa paghatag sang suporta sa mga pamatan-on.