Pulis sa Western Visayas, may koneksyon sa mga rebelde –PRO 6

By: Aine Grace Bravo | October 7, 2019

via Aljohn Torreta

Kampo Delgado, Iloilo City — Ginbuyagyag sang Police Regional Office 6 nga gina-angut sa New People’s Army ang isa sa pito ka mga pulis sa rehiyon nga nalakip sa National Drug Watchlist sang Philippine National Police (PNP).

Una na ginpahayag ni PRO 6 Director PBGEN Rene Pamuspusan nga lunsay may kaangtanan sa illegal nga druga ang pito ka mga pulis.

Suno naman kay PRO 6 Spokesperson PLTCOL Joem Malong, posible may himata ukon koneksyon ang isa sa wala ginhingadlan nga mga pulis sa communist terrorist group.

Nagapadayon ang monitoring sang PRO 6 sa ginpahayag illegal nga aktibidad sang natungdan.

I-subject sa adjudication ang pulis agud maathagan natuhoy sa mga akusasyon batuk sa iya.