ArchivesLokalUncategorized

Punong barangay sang Buenavista, Carles, nagapangayo sang bulig sa ila problema sa illegal fishing

By: JoMaque | Oktubre 8, 2019, 9:49am

Iloilo — Nagpangayo sang bulig ang punong barangay sang Buenavista, Carles agud mapalab-ut sa mga otoridad ang ila madugay na nga problema sa mga naga-illegal fishing sa ila baybayon.

Suno kay Punong Barangay Felix Alvarez, nagagamit sang pino nga pukot kag dinamita ang mga illegal fishers.

May tiun suno sa iya nga batiun pa sa higad sang baybay ang paglupok sang dinamita.

Ginpabutyag pa ni Alvarez nga napalab-ut naman nila ang problema kay Carles Mayor Siegfred Betita, samtang wala man sila sang nakita nga sakayan sang Provincial Bantay Dagat nga nagalibot sa kadagatan.

Ginatinguhaan sang Aksyon Radyo nga mapangayuan sang pahayag si Mayor Betita sa iya aksyon sa reklamo sang mga taga-Barangay Buenavista.

Leave a Reply