18-anyos nga babaye, nagbitay patay sa sulod sang lodging house sa Molo

By: JoMaque | Oktubre 9, 2019, 12:26am

Iloilo City—Nsapwan nga nagabitay sa sulod sang Dragon Lodge sa Molo ang 18-anyos nga babaye kahapon, Oktubre 8.

Suno kay Police Chief Master Sergeant Cesar Salcedo, gin-identify sang iya tiya si alyas Joy, sang Pavia.

Sa imbestigasyon ni Police Chief Master Sergeant Lario Esposo, imbestigador sang Molo Police Station, isahanon nga nag-check-in ang babaye las-4:29 sang hapon.

Las-5:10, nag-order pa sang pagkaun ang babaye.

Pero nagabitay na siya gamit ang habol sang nagdul-ong ang room boy sang order las-5:30 sang hapon.

Ginhingagaw dala ang babaye sa Iloilo Doctor’s Hospital, pero gindeklarar nga napatay.

Padayon ang imbestigasyon sang kapulisan sa insidente.