ArchivesLokal

Anak sa Passi City, ginlabu sang iya amay

By: Aine Grace Bravo | October 10, 2019

Passi City, Iloilo — Ginlabu sang 63-anyos nga tatay ang iya bata sa Brgy. Aglalana, Passi City las 9:30 kagab-i. Oktubre 9.

Ginkilala ni Police Staff Sergeant Roderick Larida, imbestigador sang Passi City Police Station, ang biktima kay Ireneo Pagal Jr., 30-anyos sang Brgy. Aglalana, Passi City samtang suspect si Ireneo Pagal residente sang nasambit man nga lugar.

Dugang pa ni Ortigas, may pagbaisay sa tunga sang mag-amay antes ginlabu sang amay ang iya bata.

Napilasan sa tuo nga kamot ang biktima kag gilayon gindala sa Western Visayas Medical Center.

Indi naman magpasaka sang kaso ang biktima batok sa iya amay.

Nagpamalibad nga magpa-interview ang suspect.