ArchivesLokalUncategorized

Philippine Army,ginsumiter na sa NICA ang na-monitor 7 local elected officials sa Iloilo nga gintudlo nagsuporta sa NPA sang nagligad nga eleksyon

By: JoMaque | Oktubre 10, 2019, 9:12am

Iloilo (UPDATE) — Ginsumiter sang Philippine Army sa National Intelligence Coordinating Agency (NICA) ang pangalan sang pito ka mga local elected officials sa probinsya nga ginpahayag nga nagsuporta sa New People’s Army sang nagligad nga eleksyon.

Suno kay Captain Cenon Pancito III, Spokesperson sang 3rd Infantry Division, na-monitor nila ang pito ka wala ginhingadlan nga mga local officials nga nagbayad sang revolutionary tax sa mga rebelde.

Ginsumiter ang amo nga information sa Peace and Order Council kag sa Joint Peace and Security Coordinating Council nga ginabug-usan sang Philippine Army, Armed Forces of the Philippines, Philippine National Police kag NICA para sa validation sang impormasyon.

Ang NICA amo ang chairman sang JPSCC kag amo man ang nagasumiter sang report.

Gintugyan sa police ang pagpasaka sang kaso batuk sa mga natungdan kon mapamatud-an nga may koneksyon sa mga rebelde.

Leave a Reply