Quality time sang ginikanan kag kabataan, kinahanglan agud mapunggan ang suicide –Iloilo City Councilor Lyndon Acap

By: Aine Grace Bravo | October 10, 2019

via Hotline

Iloilo City — Nagapati si Councilor Lyndon Acap nga kinahanglan ang quality time sang kabataan kag ginikanan ukon guardians agud mapahagan-hagan ang insidente sang suicide.

Na-alarma ang konsehal nga nagataas nga suicide cases ilabe na sa mga teenagers, gani iya ginaproponer ang apat ka adlaw kag tunga nga working days sa sa Iloilo City Hall.

Kulang suno sa iya ang weekend para sa panahon sang mga ginikanan kag kabataan.

Para kay Acap, ang ginikanan ukon guardians ang makahatag sang advice sa ila kabataan ilabe na kun may mga problema agud indi magpaminsar sang malain.

Plano sang konsehal nga magkuha sang opinyon sang mga concerned department heads sa City Hall angut sa iya proposal.

Mangin pabor naman sa mga single working parents ang proposal ni Acap pananglitan ma-aprubahan sa konseho.