Sta. Barbara MPS, may person of interest na sa pagpatay sa mangunguma nga nasapwan sa talamnan

By: JoMaque | Oktubre 10, 2019,

Sta. Barbara Iloilo– (UPDATE) May person of interest na ang Sta. Barbara police sa nagpatay sa mangunguma nga nasapwan sa Barangay Tuburan, Sta.Barbara kahapon, Oktubre 9.

Suno kay PCMS Jesus Wilson Saludares sang Sta. Barbara MPS, may pilas sa ulo, tuo nga dulunggan, tiyan, dughan, liug kag abaga si Elmo Susmiran.

Una na nga ginpahayag sang asawa nga si Rosalie Susmiran nga las-kuwatro kahapon sang hapon, Oktubre 8, naghalin sa ila balay ang iya bana kag nagkadto sa balay sang iya kumpare para mag-imbitar sa iya birthday buwas.

Ginpahayag naman ni alyas Joy, bata sang kumpare ni Susmiran nga las-nueve kagab-i sang naghalin sa ila balay ang biktima.

Nag inom-inom pa si Susmiran sa balay sang iya kumpare.

Una nga nakakita sa bangkay sang biktima ang iya bata nga lalaki.

Indi pa matumod ang motibo sa krimen.