Swine, swine products halin sa mga lugar nga may African Swine Fever, idumili sa Iloilo City sa sulod sang 90 ka adlaw

By: Aine Grace Bravo | October 10, 2019

via Jeremae Ventar

Iloilo City — Nag-isyu si Mayor Jerry Treñas sang Executive Order 99 series of 2019 nga temporaryo nga nagadumili sa pagpasulod sang mga live pigs, hog carcasses, pork kag pork products kag by-products halin ukon gin-process sa mga lugar nga gin- identify sang Department of Agriculture nga positive sa African Swine Fever (ASF).

Sa sulod sang 90 ka adlaw, indi pagtugutan sang syudad nga makasulod ang mga baboy, karne kag mga pork products halin sa mga areas pareho sang Rodriguez, Rizal, Bulacan kag Quezon City. Pila man sa mga pungsod nga may African Swine Fever amo ang South Africa, Vietnam, Cambodia, Myanmar, South Korea kag China.

Sa executive order, ginpahayag ni Mayor Jerry Trenas nga may posibilidad nga makalab ot sa syudad ang African Swine fever rason nga ginpirmahan niya ang EO.