(UPDATE) Babaye nga naghikug sa lodging house sa Molo, napatay bangud nakuga sang nagbitay base sa autopsy result

By: Aine Grace Bravo | October 11, 2019

via Dave Bucayan

Iloilo City — Nakuga bangud sa pagbitay ang ginkamatay ni alyas LJ, ang babaye nga naghikog sa lodging house sa Molo sang damlag lang.

Base sa resulta sang autopsy suno kay Police Major Dr. Joe Martin Fuentes, medico legal officer sang Police Regional Office 6, wala sang iban nga pilas, magluwas lang sa hurma sa liog ni LJ.

Bag-o lang nagkaon ang babaye sang ginhimo ang pagbitay suno kay Fuentes.

Wala man nagabusong ang babaye suno kay Fuentes, kabaliskaran sa nagalagaw nga balita.