Adonis Honteveros Jr nga natiruhan patay sang pulis sa Sara, ginlubong na; pamilya, mapasaka sang kaso sa masunod nga semana

By: Aine Grace Bravo | October 12, 2019

via Francis Basco

Ajuy, Iloilo — Ginlubong na si Adonis Honteveros Jr sang Pinantan Elizalde, Ajuy nga natiruhan sang pulis sa Zerrudo, Sara sang Setyembre 23 sang gab-i.

Suno kay Mrs. Celda Honteveros, iloy ni Adonis, dayon na gid ang ila pagpasaka sang kaso sa masunod nga semana agud mahatagan man sang hustisya ang natabu sa iya bata.

Nakumpleto na suno kay Mrs. Honteveros ang mga dokumento agud ma-file ang kaso sa mga pulis nga involved.

Gina-imbestigaran naman sang Iloilo Police Provincial Office kag Commission on Human Rights 6 ang natabu.