IPPO, wala sang na-monitor nga daku nga operator sang illegal gambling – IPPO Director

By: Aine Grace Bravo | October 12, 2019

via KhenJo Terco

Iloilo — Wala sang na-monitor nga daku nga grupo nga naga-operate sang llegal gambling sa probinsya.

Ini ang pahayag ni Iloilo Police Provincial Office Director PCOL Roland Vilela matapos ang tatlo ka adlaw nga pag-assess kag pag-validate nga iya ginmandu sa mga chiefs of police.

Suno kay Vilela, mga magagmay nga sugal ang ila na-monitor, samtang kalabanan sa mga naga-operate suno sa iya ang mga nadakpan na.

Ginpahayag ni Vilela nga mahapos mag-operate ang bookies bangud gina-broadcast sa radyo ang resulta sang STL sa Guimaras gani may balasehan sang resulta ang mga illegal operators.

Halin Oktubre 7 tubtob kahapon, duha lang suno kay Vilela ang nadakpan sang mga pulis nga nagapataya sang bookies.

Halin naman sang nagligad nga bulan tubtob subong, 18 ang nadakpan bangud sa illegal gambling.

P500 ang pinakadaku nga kwarta nga nakuha sa mga nadakpan.