ArchivesLokalUncategorized

‘May certain level of demoralization’—PRO 6 sa pagkaulamid ni PNP Chief Oscar Albayalde sa ‘ninja cops’ issue

By: JoMaque | Oktubre 12, 2019, 9:02am

Iloilo — Ginpabutyag ni Police Regional Office 6 Spokesperson PLTCOL Joem Malong nga may ‘certain level of demoralization’ sa mga pulis sa rehiyon sa pagka-ulamid ni PNP Chief PGEN Oscar Albayalde sa mga ‘ninja cops’ ukon mga pulis nga naga-recycle sang illegal nga druga.

Suno kay Malong, normal lang nga ma-‘demoralize’ ang mga pulis bangud ang PNP kag ang head nila ang involved sa kontrobersiya.

Indi naman makita ang pagka-demoralize sang mga pulis bangud sang maayo nga performance sa pihak sang kontrobersiya.

Nagahulat ang PRO 6 sang imbestigasyon sa kontrobersiya sa ‘ninja cops’ agud masanagan sa isyu.

Director sadto sang Pampanga Police Provincial Office si Albayalde sang gin-akusaran ang 13 ka mga pulis sa idalum sang iya area sa indi pagdeklarar bilang recovery sang 160 kilo nga shabu sa 2013 operation batuk sa suspected drug lord.

Una na ginpahayag ni Baguio Mayor Benjamin Magalong, anay chief sang Criminal Investigation and Detection Group, nga naghingyo sa iya si Albayalde nga indi lang anay pag-iimplementar ang dismissal order batuk sa iya anay mga subordinates.

Ginbuyagyag man ni retired general Rudy Lacadin, anay deputy director sang CIDG, nga nagtawag man sa iya si Albayalde kag nagpamangkot sa status sang amo nga kaso kag ginpahayag, nag-ako nga ‘dyutay lang’ ang iya nakuha sa amo nga operation.

Leave a Reply