DILG Iloilo Province, preparado na sa Second Semester Barangay Assembly

By: JoMaque | Oktubre 13, 2019, 9:51am

Iloilo – Preparado na ang Department of Interior and Local Government sa synchronized barangay assembly.

Suno kay DILG Provincial Director Teodora Sumagaysay, may tatlo ka showcase barangay sa probinsya — Barangay San Rafael, Miag-ao nga mahiwat sang barangay assembly buwas, Oktubre 13; Barangay Dangula-an, Anilao kag Barangay Lo-ong, Concepcion nga mahiwat sang barangay assembly sa Oktubre 19.

Sa bag-o nga patakaran, gina-skedyul ang barangay assembly sa tanan nga Sabado kag Dominggo sang Oktubre, depende sa availability sang mga barangay.

May duha ka parte ang barangay assembly suno kay Sumagaysay, ang pagbasa sa mensahe sang DILG secretary kag ang barangay assembly day proper sa diin mahatag sang state of the barangay address ang punong barangay.

Pwede man makahimo sang dugang nga mga aktibidad ang mga barangay officials nga makapaayo sa barangay.

Nagpa-andam si Sumagaysay nga pwede mapasakaan sang kaso administratibo ang mga barangay officials nga mapaslawan sa paghiwat sang barangay assembly.