IPPO Director Roland Vilela, nag-athag wala siya sang 3-day challenge sa mga chiefs of police sa probinsya agud papason ang illegal gambling

By: JoMaque | Oktubre 13, 2019, 9:50am

Iloilo City—Gintadlong ni Iloilo Police Provincial Office Director PCOL Roland Vilela ang impormasyon nga may three-day challenge siya sa mga chiefs-of-police sa probinsya agud tapnaon ang illegal gambling.

Suno kay Vilela, na-istoryahan sa meeting sa Sangguniang Panlalawigan sang Lunes, Oktubre 7, nga may gina-organize nga daku nga grupo nga maga-operate sang illegal gambling sa probinsya.

Bangud sini, ginhatagan niya sang tatlo ka adlaw ang iya kaugalingon para i-assess kag i-validate ang impormasyon.

Pero bisan wala sang ginhatag nga challenge, gina-remind man ni Vilela ang mga chiefs-of-police sang ila mga obligasyon.

Ginpahayag man ni Vilela nga indi niya priority gid ang illegal gambling bangud may mga importante siya nga mga bagay nga dapat hatagan sang atensyon.