ArchivesLokal

14 anyos nga solterito, patay sang nabungguan sang motorsiklo sa Miag-ao

By: Aine Grace Bravo | October 14, 2019

via Angel Mae Ciudad

Miag-ao, Iloilo — Patay ang 14-anyos nga lalaki sang nabungguan sang motorsiklo samtang nagalakat sa dalan sa Barangay Malagyan, Miag-ao kahapon, Oktubre 13.

Ginkilala ang napatay kay alyas Dexter, grade 9 student sang amo man nga lugar nga may pilas sa ulo.

Base sa imbestigasyon sang Miag-ao police, halin sa banwa kag padulong sa Barangay Tigmalapad ang motorsiklo nga ginamaneho ni John Carlo Momay, 21-anyos sang Barangay Tigmalapad upod ang iya backrider nga si Mark Julian Esparagoza, 22-anyos sang Barangay Bugtong Lumangan sang nabungguan ang solterito.

Gindala pa sa Miagao First-Aid clinic ang biktima pero gindeklarar nga napatay.

Gin-refer naman sa Western Visayas Medical Center ang driver kag backrider bangud sa ila kapilasan.