ArchivesLokal

2 patay sa pagbunggu-anay sang duha ka motorsiklo sa Guimaras

By: Aine Grace Bravo | October 14, 2019

via Angel Mae Ciudad

Guimaras — Patay ang drivers sang duha ka motorsiklo nga nagbuggu-anay sa Barangay Alaguisoc, Jordan, Guimaras las 10:45 sang gab-i, October 13.

Ginkilala ang napatay nga driver sang isa ka motorsiklo kay Franklin Acebedo, 29 anyos sang Sitio Bukaw, Barangay Poblacion, Jordan, nga may pilas sa ulo.

Suno kay PLT Luicito Baremque sang Jordan Police Station, nadulaan sang kontrol sa ginamaneho nga motorsiklo si Acebedo rason nga nagbungguanay sila sang nasugata niya nga motorsiko nga ginamaneho naman ni Chaz Buenavista, 35 anyos sang Barangay Buray, Oton, nga napilasan man sa ulo.

Halin sa San Miguel si Acebedo kag pakadtu sa Jordan samtang pakadtu naman sa San Miguel halin sa Jordan si Buenavista.

May mga menor naman nga pilas ang angkas ni Acebedo nga si Elvin Catalba.

Gindala pa sa ospital ang duha ka drivers pero gindeklarar nga dead-on-arrival.