36-anyos nga lalaki, nasapwan patay sa Tigbauan

By: JoMaque | Oktubre 14, 2019, 10:18am

Tigbauan, Iloilo —Patay na sang nasapwan ang 36-anyos nga lalaki sa Barangay Bagacay kagab-i.

May pilas sa likod sang iya ulo ang biktima nga si Brian Jhor Reyna, residente sang amo man nga barangay.

Suno kay Pol. Lt. Col. Hilarion Roga Jr sang SOCO, posible tuga sang pagkalabu ang pilas nga tubtob 3-inches ang kalabaun.

Wala sang narecover nga bagay nga gingamit sa pagpatay sa biktima.

Padayon pa ang imbestigasyon sang kapulisan sa insidente.