PLTCOL Jovie Espenido, temporaryo nga gin-assign sa Regional Personnel Holding and Accounting Unit sa iya pagsaylo sa PRO 6

By: Aine Grace Bravo | October 14, 2019

via Aljohn Torreta

Iloilo City — Gin-assign sa Regional Personnel Holding and Accounting Unit (RPHAU) si PLTCOL Jovie Espenido, ang controversial police nga anay hepe sa Albuera, Leyte kag Ozamiz City.

Suno kay PLTCOL Joem Malong, Spokesperson sang Police Regional Office 6, sang Oktubre 4 pa nagsugod ang assignment ni Espenido sa RPHAU.

Mahibaluan ang mangin assignment si Espenido pagkatapos sang iya courtesy call kay PRO 6 Director Rene Pamuspusan.

Una na ginpahayag ni Espenido nga buwas, Oktubre 15, siya ma-report sa Kampo Delgado.

Nagpadala sang memorandum ang PNP Directorate for Personnel and Records Management nga sa Bacolod City i-assign si Espenido apang indi pa ini pinal suno kay Malong.