ArchivesLokalUncategorized

Senior citizen, nasapwan patay sa Jaro

By: JoMaque | Oktubre 14, 2019, 10:10am

Iloilo City— Nasapwan-patay ang 90-anyos nga babaye sa sala sang iya balay sa Barangay Tacas, Jaro kahapon sang aga.

Suno sa apo sang napatay nga ginkilala kay Rosa Argel, nagakayaon na kag natabunan sang ulunan sa ulo ang iya lola sang nasapwan.

Nagalinapta man ang mga gamit sang tigulang sa sulod sang balay ilabe na ang mga gamit sa sulod sang iya kwarto.

Nasapwan ang babaye sang guwardiya nga naga-arkila sa iya boarding house sa La Paz.

Mahatag kuntani sang kwarta ang guwardiya pero wala sang may nagasabat sang nagpanawag siya.

Sang ginbuksan ang pwertahan, nakita niya na lang nga nagakayaon ang tigulang.

MOTIBO

Robbery with homicide ang isa sa mga ginalantaw nga anggulo sang SOCO sa pagpatay sa 90-anyos nga babaye.

Suno kay Lt. Col. Hilarion Roga sang SOCO, subject for validation pa sang pamilya sang biktima kun may nagkaladula nga gamit sa balay sang babaye.

Nagapati si Roga nga may ginapangita ang nagpatay sa tigulang bangud naga-ulukay na ang iya mga gamit sa sulod sang balay.

Wala man sang nakita nga sinyales ang SOCO nga ginpwersa nga buksan ang balay.

May nakita nga lagub sa ulo sang biktima dugang pa ni Roga.

Leave a Reply