ArchivesLokal

6 balay, nasunog sa Cuartero, Jaro

By: Aine Grace Bravo | October 15, 2019

via Khenjo Terco/Dave Bucayan

Iloilo City — Anum ka mga balay ang nasunog sa Cuartero, Jaro pasado las-3 kaina sang hapon.

Totally-damaged ang balay nanday Fally Celestial, 64 anyos, nga ginatudlo nga ginhalinan sang kalayo, George Dela Banda, Cynthia Bornales, Boboy Quiruben kag Catalina Dela Banda.

Partially-damaged naman ang balay ni Wilfredo Parcia.

Sa interview kay Celestial, ginpahayag niya nga matig-ang kuntani siya sa rice cooker sang may nakita nga naga-igrab gani nga naguwa siya.

Suno kay City Fire Marshal Christopher Regencia, gina-imbestigaran pa nila kon ano ang ginhalinan sang kalayo kag kon pila ang kahalitan.

Naka-abot na sa area ang taga-City Government agud mag-assess sang sitwasyon kag maghatag sang bulig sa mga nasunugan.