Lalaki, preso sang gindala ang 17 ka payong paguwa sa baligyaan sa City Proper nga wala ginbayaran

By: JoMaque | Oktubre 15, 2019, 11:08am

Iloilo City – Ginpapreso ang lalaki nga nadakpan nagsulod sang 17 ka payong sa iya dala nga bag kag naguwa sa establisemento komersyal sa Ledesma Street, City Proper nga wala ginbayaran.

Ginkilala ang nadakpan kay Fritz Bermejo sang Sta. Rita, Janiuay.

Suno kay PSSg Erick Goniabo sang Police Station 1, nagabalor sang P3,283 ang tanan nga payong.

Sa pagpangusisa sang police, ginapanilagan na sang manager si Bermejo gani nga ginpangayuan ini sang resibo sang naguwa sa establisemento, pero wala ini sang napakita.

Nakita naman sa bag ang mga payong.

Nagbalibad nga magkomento si Bermejo sang ginkuhaan sang pahayag sang Aksyon Radyo.