ArchivesLokalUncategorized

LTFRB, nag-issue sang memorandum nga nagapahanugot sa pagpasakay sang mga hinuptanan nga sapat sa PUVs

By: JoMaque | Oktubre 15, 2019, 11:04am

Iloilo City— Nag-issue sang memorandum circular ang Land Transportation Franchising and Regulatory Board (LTFRB) nga nagapahanugot sa pagpasakay sang mga hinuptanan nga sapat sa mga Public Utility Vehicles.

Base sa Memorandum Circular 2019-019, puwede pasakyon ang mga hinuptanan nga sapat sa mga PUV kun nasulod sila sa hawla ukon carriers.

Kinahanglan nga matinlo ang mga sapat kag responsibilidad sang tag-iya ang mga damages nga puwede matuga sang iya hinuptanan.

Responsibilidad man sang tag-iya nga i-maintain ang katinlo sa sulod sang PUV.

Ginakonsiderar sang mga Board Members sang LTFRB ang pagpahanugot sa pagpasakay sang mga hinuptanan nga sapat sa PUV bangud madamo nga mga ‘pet lovers’ ang nag hingyo nga pahanugutan ang ila mga hinuptanan sa PUV bangud ginakabig man sila nga parte sa pamilya.

Leave a Reply