LTO 6, magahimo sang inspection antes ang tigkalalag

By: JoMaque | Oktubre 15, 2019, 11:10am

Iloilo City — Magahimo sang inspection ang Land Transportation Office (LTO 6) antes ang All Soul’s Day ukon tigkalalag.

Suno kay LTO 6 Deputy Chief for Operations Jojo Jamerlan, maayo nga mapahibalo sang mas temprano pa ang mga motorista sa road safety agud indi matublag ang pagbisita sa ila nagtaliwan nga mga himata sa Nobyembre 1 kag Nobyembre 2.

Lakip sa inspeksyunon sang LTO 6 ang mga salakyan nga nagapasakay sang sobra sa ila passenger capacity.

Maga-inspection man ang LTO sa mga bus terminal upod ang Philippine National Police, PSTMO kag PDEA.

Ginpahayag ni Jamerlan nga istoryahan pa sang nagkalain-lain nga ahensya kun bala ipaidalum sa drug test ang mga bus drivers.